Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tāhia

Kāinga Karere Hou He Uiui Kaiako mō NWRM

He Uiui Kaiako mō Ngā Whanaketanga Rumaki Māori

Posted: 10/28/2012 09:49 pm

Kanikani

I te tau 2011 i whakahaerehia e Te Tāhuhu o Te Mātauranga tētahi uiuitanga ki te rapu i ngā wheako o ngā kaiako i ngā kura me ngā kura rumaki reo Māori mō Ngā Whanaketanga Rumaki Māori, ā, i taua wā tata ki te kotahi tau te noho wātea mai ki ngā kura. I kitea e te uiuitanga kei te pai te kauneke haere o te whakamahi a ngā kaiako i Ngā Whanaketanga Rumaki Māori. E wātea ana te pūrongo i: www.educationcounts.govt.nz/publications/maori/maori-medium-education/110058 

E hiahia ana Te Tāhuhu o Te Mātauranga ki te whakahaere anō i te uiuitanga ina kua tata ki te rua tau Ngā Whanaketanga Rumaki Māori e whakamahia ana e ngā kura. Ko ngā mōhiohio ka whakaemihia ka whakamahia e Te Tāhuhu ki te waihanga haere tonu i ngā tautoko e tika ana mā ngā kaiako hei āwhina i a rātau ki te whakamahi i Ngā Whanaketanga Rumaki Māori i te tau 2013, neke atu hoki. 

Kia mōhio mai, ka noho muna tonu ngā kōrero katoa ka tukuna mai. E kore rawa te ingoa o tētahi tangata, ngā kōrero mōna rānei, e whakaputaina i roto i tētahi pūrongo, i te puka rānei ka hua mai i tēnei uiuitanga. Ka tātarihia ngā kōrero nei e te Tari Rangahau o te Tāhuhu o te Mātauranga. Kei roto i te pūrongo ngā kōrero ā-rohe, ā-motu hoki, engari e kore rawa e kitea mō tētahi kura kotahi, taumata kura rānei. 

Whakahokia mai te pānui rangahau kua oti ki te Tari Rangahau, Te Tāhuhu o te Mātauranga i mua o te 23 Whiringa-ā-rangi, 2012.

Pāwhirihia mai ki konei kia toro atu ki te uiui ā-ipurangi.


Footer: