Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tāhia

Kāinga Karere Hou He uiui kaiako

He uiui kaiako

Posted: 11/13/2013 10:15 am

Ministry of Education

I tukuna Te Marautanga o Aotearoa ki ngā kura i te tau 2010, ā, me Ngā Whanaketanga Rumaki Māori i te tau 2011. I taua wā anō i whakaratohia ngā kaupapa whakapakari kaiako kia mārama pai ai ngā kura me ngā kaiako ki ngā mea e herea ana rātau ina whakamahia TMoA me NWRM.

I te tau 2011 me te tau 2012 i whakahaerehia e Te Tāhuhu o Te Mātauranga tētahi uiuitanga ki te rapu i ngā wheako o ngā kaiako i ngā kura me ngā kura rumaki reo Māori mō TMoA me NWRM. I kitea e te uiuitanga kei te pai te kauneke haere o te whakamahi a ngā kaiako i TMoA me NWRM.

Kua whakamahia e te Tāhuhu ngā hua o te rangahau hei whakamōhio i ngā mahi waihanga me te whakatinana kaupapa here, me te waihanga tautoko tōtika mā ngā kaiako hei āwhina i a rātau ki te whakamahi i TMoA me NWRM. Kei te hiahia Te Tāhuhu o Te Mātauranga ki te mahi anō i te rangahau i te tau 2013 hei tautoko haere tonu i ngā kaiako a te tau 2014, ā, haere ake.

Kia mōhio mai koe ka noho matatapu ngā mōhiohio katoa ka tukuna mai. E kore rawa e whakaaturia te ingoa, ngā taipitopito rānei o tētahi kaiako ki tētahi pūrongo, tuhinga rānei mai i tēnei rangahau. Ka tātarihia ngā mōhiohio e te Wāhanga Rangahau o Te Tāhuhu o te Mātauranga. Ko ngā hua o te pūrongo ka whai mōhiohio i te taumata ā-motu, ā-rohe rānei engari kaua i te taumata kura.  

Ki te whakaoti i te uiui ā-ipurangi nei me toro atu ki a; 

Uiui kaiako mō Te Marautanga o Aotearoa me Ngā Whanaketanga Rumaki Māori


Footer: