Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tāhia

Kāinga Karere Hou Te hono ki te whatunga N4L - Network for Learning

Te hono ki te whatunga N4L - Network for Learning

Posted: 04/09/2014 10:53 am

Te hono ki te whatunga N4L - Network for Learning

I whakaritea e te Kāwanatanga tētahi umanga nā te Karauna i te marama o Hōngongoi i te tau 2012 hei whakawhanake, hei whakahaere hoki i tētahi whatunga ipurangi i ngā kura. I tapaina te umanga nei ki te ingoa, Network for Learning, arā, i a te N4L. Ko te tikanga ia, mā roto mai i tēnei whatunga, ka tere ake, ka tika ake te whai wāhitanga o ngā kura ki te ipurangi nā te Kāwanatanga i utu. Ka tūhonotia tōna 700 kura i mua te tōnga o te tau 2014, ka mutu, ka whai hononga ngā kura katoa hei te paunga o te tau 2016.

He mea pīkau e te Tāhuhu o te Mātauranga te utu tūhono mō ngā kura katoa tae rā anō ki te tau 2021.

Ko tā te tāhuhu e whai ana kia taunga te mahi ā ngā kura ki ngā hangarau matihiko. E akiakina ana ngā kura katoa ki te arotake i ā rātou mahere rautaki whakaako, rautaki marau mā ngā rawa matihiko e hāngai ana ki te ako me ngā hangarau matihiko kei te pae ipurangi Enabling e-Learning.

Kei tēnei wāhanga o ‘Enabling e-Learning’ ngā pārongo e tika ana hei tautoko i tō kura i a koutou e whai ana i te tukanga e taea ai koutou te hono atu ki te whatunga N4L me te rongo i te katoa o ōna painga.

 

Te whakatau Te whakarite Te tūhono Image Map

 

Te Whakatau

Kei a koutou te whiriwhiri āe rānei, kāore rānei tō kura e hono atu ki te whatunga N4L heoi anō, ki te kōwhiritia āe, kāore e kore ka rongo koutou i ōna painga. Koinei te wāhanga e tika ana kia tirohia e koutou mēnā ko te tūhono te whakaaro i tēnei wā.

Te Whakarite

Kua whakaritea kia whai wāhi ā-tiriwātia hei ngā tau nei ngā kura e whāia ana kia tūhono atu ki te whatunga N4L. Mēnā ko koutou tērā kua oti kē i a koutou te tono, ā e whanga ana kia tūhonotia, koinei te wāhanga hei tautoko i a koutou kia takatū koutou mō te wā ka tūhonotia.

Te Tūhono

Ko ētahi painga o tēnei whatunga N4L ka rangona wawetia tōna tūhonotanga. E tāutuhia ana i tēnei wāhanga ngā tū āhuatanga e whakamahi tika ai ngā kaimahi me ngā ākonga kia eke panuku ai rātou i ngā mahi ako me ngā hangarau matihiko.


Footer: