Ngā kaupapa whakangungu, whakapakari hoki (KWW) PLD
Whakahāngai ki te aromatawai
Ka whakakaha a Mātaiako i ngā KWW katoa i te rāngai rumaki reo Māori kia hāngai ki ngā mātāpono o te aromatawai. Mā konei ka rite ngā mahi a ngā kaiwhakarato KWW mō ngā kura me ngā whare rumaki reo Māori hei tautoko i ngā kura ki te whakamahi i ngā rauemi aromatawai tino kounga.
Kia whakatipu tohunga
Ka whakawhanake, ka whakarite hoki a Mātaiako i tētahi hōtaka ki te whakahōhonu ake i te mātauranga. Ka whakapakari i tētahi rōpū tohunga e whai pūkenga ana, e whai mātauranga ana hoki hei arataki, hei tautoko i ngā kaupapa hou, hei whakatauira atu hoki i ō rātou mōhiotanga ki te rāngai rumaki reo Māori.
Rauemi arotake takitahi
Ko tā Mātaiako he whakanui i te whakamahinga o ngā rauemi arotake whaiaro nō roto i te rāngai hei tautoko i te tautohu i ngā matea ako ngaio me ngā matea whakawhanake o te kaiako tae atu ki te aromatawai. Mā te arotake whaiaro e āwhina ngā kura me ngā whare rumaki reo Māori kia whakaritea ngā mea tuatahi mō te whakatutukitanga o ngā ākonga nō konei hoki ka tautohu i te momo KWW kaiako hei whakatutuki i ēnei mahi tuatahi.
Mōhiohio hangarau
Mā te mōhiohio hangarau e huri haere te tirohanga o ā tātou ākonga ki te ao, ki a rātou anō me tā rātou ako.
Ka whakawhanake a Mātaiako i tētahi huarahi hei tuku pūrongo aromatawai mā ngā kura me ngā whare rumaki reo Māori e tautoko ana i ngā mātāpono aromatwai, ā, he tōtika hoki i roto i tētahi kura e kōtuitui ana me tētahi taiao ako whenumi.
Tae atu ki ngā wāhanga pērā i:
- te whakawhanake me te whakarite i tētahi pūnaha whakakao raraunga, tuhi pūrongo hoki hei tuku i ngā mōhiohio tino whānui;
- te whakanui atu i te whai wāhi o ngā mātua me ngā whānau ki te tukanga aromatawai o tā rātou tamaiti me te whakarite wā mā rātou hei mahi tahi.
