Ngā Whanaketanga Rumaki Māori

Koinei ngā kohinga kōrero o mua mō Ngā Whanaketanga Rumaki Māori (NWRM).

Māori Medium OTJ workshops 2014

Koinei ngā kōrero mō ngā awheawhe OTJ i tū i te tau 2014.

Te Whiriwhiri Tahi ki Ētahi Atu

Nā te whiriwhiri tahi ki te rāngai mō Ngā Whanaketanga Rumaki Māori i taea ai e ngā kura me ngā akomanga rumaki katoa te hora ō rātou whakaaro ki te hanga o Ngā Whanaketanga Rumaki Māori. 

Ngā Kōrero ā-Waha i Hoki mai

I whakakaohia e Te Tāhuhu ngā whakaaro i puta ā-waha i te rāngai me ngā mātua i tae ake ki ngā hui whiriwhiri me ngā wānanga. I whakakaongia anō ngā whakautu i tuhia i ngā rārangi pātai i tāia me ērā i whakairia ki te ipurangi. Ko te whakarāpopototanga e whai ake nei, nō roto i ngā whakaaro i whakapuakina ā-waha. 

Ngā Kōrero ā-Tuhi i Hoki mai

He mea whakakao mai e Te Tāhuhu ngā kōrero i puta ā-waha i te rāngai me ngā mātua i tae ake ki ngā hui me ngā wānanga. I whakaemitia anō e Te Tāhuhu ngā whakaaro i tuhia ki te rārangi pātai i tohaina ki ngā kura, i whakairia anō ki te ipurangi. Ko te whakarāpopototanga e whai ake nei, nō roto i aua whakaaro i tuhia.

Te Hōtaka

I ōna wā anō o te tau 2010 ka hui Te Tāhuhu ki ngā pouako, ngā tumuaki, ngā mema o ngā poari whakahaere, ngā kāhui o te rāngai mātauranga, ngā iwi, ngā mātua, me ngā whānau huri i te motu. Ko te kaupapa o ēnei hui, he whiriwhiri tahi, he kohi pārongo anō mō te tauira hukihuki o Ngā Whanaketanga Rumaki Māori mō te reo me te pāngarau.

Te Whakaemi Kōrero

I te Poutūterangi ki te Hakihea o te tau 2010, i whakaemitia e Te Tāhuhu o te Mātauranga he kōrero i ētahi kura rumaki, akomanga rumaki e 42. E toru ngā takahanga o ngā mahi whakaemi kōrero.