Te Waharoa Ararau
Posted: 01/29/2013 10:34 am
Te Waharoa Ararau ā-Motu
He mea waihanga a Te Waharoa Ararau ā-Motu e Te Tāhuhu o te Mātauranga mō ngā kura e whakamahi ana i Te Marautanga o Aotearoa. Ko tōna mahi nui he whakaemi me te rīpoata i ngā kohinga kōrero ā-kura e pā ana ki Ngā Whanaketanga Rumaki Māori, kia hāngai ki te NAG2A(c).
Ehara i te mea me whakamahi ngā kura i tēnei rauemi hei rīpoata mō te tau 2012, ko tāna kē he akiaki ki te āta kohikohi i ngā raraunga ā-kura mai i tēnei tau.
Ko ngā tohutohu me ngā tohu ārahi mō tēnei rauemi kei te whārangi tuatahi o te pukamahi.
Mō ētahi atu āwhina tēnā whakapā atu ki te kaiwhakarite hononga kei roto i te tari ā-rohe o Te Tāhuhu o te Mātauranga.
Toro atu ki te paetukutuku mō Te Waharoa Ararau ā-Motu
Te Waharoa Ararau ā-Kura
He mea waihanga a Te Waharoa Ararau ā-Kura e te Tāhuhu o te Mātauranga. Ko tōna mahi nui he whakaemi me te rīpoata i ngā kōrero mō ngā ākonga e pā ana ki Ngā Whanaketanga Rumaki Māori.
Mā ngā karāhe me ngā kura rumaki reo Māori e rīpoata ana i ngā kōrero mō ngā ākonga e pā ana ki Ngā Whanaketanga Rumaki Māori.
