He Anga Ako mā te Pouako
Ko te whāinga o tēnei rauemi, o He Anga Ako mā te Pouako, ko te whakatakoto i tētahi huarahi e pai ai tā te pouako whakamahere ako mō te hunga Tau 4-6 kei ngā arareo mātauranga Māori puta noa. Kei te taumata 2-3 o Te Marautanga o Aotearoa te aronga mō tēnei rauemi.
Ringa Auaha
He Anga Ako mā te Pouako hei Tauira
Koinei tētahi rauemi hei hāpai i ngā mahi whakamahere i te ako. E rua ngā rauemi matua, he rauemi taunaki hoki. Ko Ringa Auaha He Anga Ako mā te Pouako hei tauira tētahi, ko He Anga Ako mā te Pouako tērā atu, ā, koia hoki te tauira whakamahere hei whai mā ngā pouako e hiahia ana ki te whakamahi i te anga ako hei whakamahere i ngā mahi ako. E whā ngā ataata hei rauemi taunaki e whakaatu ana i ngā mahi me ngā pūnaha hanga auahatanga a ngā ringa auaha tokowhā.
Ringa Auaha, Ringa Tōhau Nui
Kua whakaemihia i konei tētahi kohinga ataata e whakaatu ana i ētahi toki o te ao toi me ā rātou pūnaha hanga auahatanga. Tēnā, mātakina kia mārama ake ai koe ki ētahi āhuatanga e tika ana kia whakaarohia i a koutou ko ngā ākonga ka whakarite ki te ako, ki te whakatakoto pūnaha ako, ki te hanga auahatanga hoki.
