Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tāhia

Kāinga Puna Mahara Ngā Whanaketanga Rumaki Māori Te Whiriwhiri Tahi ki Ētahi Atu

Te Whiriwhiri Tahi ki Ētahi Atu

 

Nā te whiriwhiri tahi ki te rāngai mō Ngā Whanaketanga Rumaki Māori i taea ai e ngā kura me ngā akomanga rumaki katoa te hora ō rātou whakaaro ki te hanga o Ngā Whanaketanga Rumaki Māori. I kimihia ō rātou whakaaro ki:

  • te mārama o ngā kōrero i tuhia hei whakaahua i ngā whanaketanga
  • te mārama o te rere ngātahi o ngā whanaketanga me Te Marautanga o Aotearoa 
  • te tika o te hono atu i ngā whanaketanga ki ngā taumata o roto i te marautanga.

I whiriwhiria tahitia Ngā Whanaketanga Rumaki Māori e Te Tāhuhu me:

  • te rāngai rumaki Māori, arā, ki ngā pouako, ngā tumuaki, ngā poari whakahaere, ētahi atu kāhui o te rāngai mātauranga, ngā iwi tae atu ki ngā whānau.

Nō waenga i te Poutūterangi me te Pipiri 2010 ēnei whiriwhiringa.

 

 

Te whakahoki kōrero mai

Tā te rāngai rumaki reo Māori

I tū ētahi hui puta noa i Aotearoa, i āhei ai te rāngai rumaki Māori te whakapuaki ō rātou whakaaro ki te tauira hukihuki o Ngā Whanaketanga Rumaki Māori. I āhei anō tā rātou whakakī puka, he mea tuku atu ki ngā kura, he mea whakairi anō ki te ipurangi.

 

Tā ngā whānau

I tonoa ngā whānau kia kī mai:

  • me pēhea te whakamōhio i a rātou ki te āhua o te whanake haere o te tamaiti
  • me pēhea te āwhina i a rātou ki te tautoko i te ako a te tamaiti.

I tae tonu ētahi māngai mō ngā whānau ki ngā hui, me te whakatakoto i ō rātou whakaaro. Ko ētahi i tuhi i ō rātou whakaaro ki ngā puka uiui i tukuna ki ngā kura, i whakairia anō ki te ipurangi.

 

Te Whiriwhiri Tahi

I tū he hui i Poutūterangi me Paenga-whāwhā 2010, i ēnei rohe e whai ake nei :

  • Tūranga-nui-a-Kiwa
  • Rotorua
  • Tāmaki Makaurau
  • Kaitāia
  • Whangārei
  • Murihiku
  • Ōtautahi
  • Whakatū
  • Ahuriri
  • Taranaki
  • Waikato
  • Te Whanganui ā Tara
  • Whakatāne

 

Ētahi atu kōrero e hāngai ana
 

 

Ki runga


Footer: