Rūaumoko

He haka taparahi nā Mohi Tūrei i tito, nō Te Aitanga-a- Mate me Ngāti Hokopū

Ko Rūaumoko e ngunguru nei! 
Hi Au! Au! Auē ha! 
Ko Rūaumoko e ngunguru nei! 
Hi Au! Au! Auē ha! 
I aha aha

E ko te rākau a Tūngāwerewere! I ahaha! 
He rākau tapu nā Tūtaua ki a Uenuku 
I patukia ki te tipua ki o Rangitopeka 
Pakaru te upoko o Rangitopeka 
Patua ki waenganui o te tau ki Hikurangi, 
He toka whakairo e tū ake nei He atua! He tangata! He atua! He tangata, ho! 
He atua, he atua, tau Paretaitoko 
Kia kitea e Paretaitoko te whare haunga 
I ahaha!

Kia whakatetē mai ō rei, he kurī! Au! 
I ahaha! 
Nā wai i parehua taku hope kia whakakā i te rangi 
Kia tare au! Hī!
He roha te kawau! Hī!

Kei te pou tara 
Tū ka tetē, ka tetē! Tau hā! 
Ko kōmako, ko kōmako! 
E ko te hau tapu
E rite ki te kai nā Matariki
Tapa reireia koi tapa! 
Tapa kononua koi ana tukua!

I auē hī! 
I ahaha 
Ka tū te ihiihi
ka tū te wanawana 
Ki runga i te rangi
E tū iho nei, e tū iho nei
Hī!