Te Marautanga o Aotearoa
Ko Te Marautanga o Aotearoa te hoa pukapuka o The New Zealand Curriculum. I waihangatia mō ngā akomanga kaupapa Māori Taumata 1 me te Taumata 2. Heoi, e āhei ana ngā kura katoa o te motu ki te whakamahi i tēnei marautanga ki roto i ō rātou ake kura. Ehara tēnei marautanga i te whakamāoritanga o The New Zealand Curriculum. Ko tōna tuāpapa ko ngā mātāpono, ngā uara me ngā waiaro Māori ake.
Te tauākī herenga Poari, me te hoahoa kua whakahoutia i roto i ngā tuhinga marautanga
I whai mana ngā herenga whakamahere, whakapūrongo o te kura hou i te 1 Kohitātea 2023, ā, kua pau te mana o ngā NEG me ngā NAG. Kua mutu rawa ināianei te hoahoa whakataki i ngā herenga mō ngā poari kia whakawhanake, kia whakatinana hoki i tētahi marautanga, i kitea i roto i ngā puka marautanga.
Kua whakahoutia te hoahoa me te tauākī ināianei, ā, ka taea ēnei te kite i Te Marautanga o Aotearoa Tānga Hou 2017 (whārangi 19-21) me Te Marautanga o Aotearoa Whakapākehātanga (whārangi 16-18) ki konei:
- Te Marautanga o Aotearoa:
- The New Zealand Curriculum - Changes to legislative requirements for school boards - He arataki atu mō ngā poari i roto i te wā whakawhiti
Kei te wātea ētahi atu mōhiotanga mō ngā panonitanga whakamahere, whakapūrongo hoki, tae atu ki ngā ara takatū e wātea ana ki tō Poari, kei tō mātou paetukutuku - Education and Training Act 2020: Improving schools' planning and reporting
Te Marautanga Hangarau Matihiko hou mā ngā kura
[08/12/2017]
Ka whakaurua te ihirangi marautanga hou mō Hangarau Matihiko i roto i te Te Marautanga o Aotearoa.
Ko tā ngā ihirangi marautanga Hangarau Matihiko he tūhono i ngā ritenga Māori tuku iho me te māia ki te ao matihiko. Ka whakapakari ngā ariā Hangarau i te hira o te aweko ki ngā mahi o mua hei whakarato mōhiotanga ki ngā mahi ā muri atu mā ngā tāngata me te taiao.
Ko te tūmanako, kua kōmitimitia e ngā kura ngā ihirangi marautanga Hangarau Matihiko ā te 2020, ā, ka whakaakona mai i te Tau 1 ki te Tau 10, me te kōwhiringa ki te whakawhāiti i ngā akoranga hangarau matihiko i ngā Tau 11–13.
E tautoko ana Te Tāhuhu o te Mātauranga i ngā kura ki te whakapakari i ngā kaha o ngā kaiako, kia taea ai te whakarato ki ā rātou ākonga i ngā pūkenga e hiahiatia ana kia puta te ihu, te mahi hoki. Kia āwhinatia hoki e Te Tāhuhu o te Mātauranga ngā mātua me ngā whānau kia tino pai rawa te hōtaka hangarau matihiko mō ā rātou tamariki.
E wātea ana ngā ihirangi marautanga Hangarau Matihiko hou i te whārangi Hangarau.
Ka horaina he mōkī tautoko mā ngā kaiako hei whakapakari i te kaha me te māia ki te whakaako i taua marautanga ā te tau 2018. Kitea he kōrero anō mō ēnei kōkiritanga ki te whārangi Digital Technologies and Hangarau Matihiko learning.
