Te Waharoa Ararau

Te whakahōunga o Te Waharoa Ararau

Kua unuhia a Te Waharoa Ararau

Tēnā koe,

Kua unuhia a Te Waharoa Ararau (arā, "kua whakawetongia") mai i te 14 o Hui Tanguru 2022.

I te tīmatanga, ko Te Waharoa Ararau (whakarākei) i whakaritea kia tukuna hei te tīmatanga o te tau 2022, heoi nā te maha o ngā whakaroa e pā ana ki a KOWHEORI-19 me ētahi atu kaupapa mahi pērā i te hoahoa anō o te marautanga, kāore anō kia rite te taputapu whakarākei ki te whakauru atu ki roto i te rāngai, ā kei te hiahiatia ētahi atu mahi. Ko te tūmanako ia ka wātea mai te taputapu ā te tau 2022 (ka whakaūngia te rā ōkawa o te whakarewatanga). Ā mua i te whakarewatanga o te taputapu, ka whakapā atu mātou ki a koe e pā ana ki tēnei, tae atu ki te PLD (te ako ngaio me te whakawhanaketanga) ka tukuna hei tautoko i tō whakamahi i te taputapu me ngā anga whakamua o He Tīrewa Ako.

Ka whakapāha mātou mō te raru ka takea pea i tēnei me te whakaroa ki te whakapuaki i te hiahia kia whakakoretia te taputapu tūturu o Te Waharoa Ararau.

Mō ngā pātai me ngā tono tautoko me whakapā atu ki: TeReo.MaoriGroup@education.govt.nz

Kua whakahōungia a Te Waharoa Ararau e Te Tāhuhu o te Mātauranga otirā, kua whakaputaina i te rangi nei. Kia whānui ake te tirohanga ki ngā whakatutukitanga o ngā ākonga i Te Marautanga o Aotearoa, e whai māramatanga ai ki ngā āhuatanga ka whakapakarihia, ka tautokona rānei.

He mea waihanga a Te Waharoa Ararau mā ngā kaiako, hei pupuri, hei aroturuki i te tupuranga me te whakatutukinga hoki o te ākonga i te reo matatini me te pāngarau. E rua ngā wāhanga o te tūāpapa ā-ipurangi:

Te Waharoa Ararau ā-kura – Mā te kaiako e kohikohi raraunga hei aroturuki, hei wetewete i te tupuranga mai o te ākonga ki te whakatutuki i te reo matatini me te pāngarau.
Te Waharoa Ararau ā-motu – Mā te kura me ngā akomanga rumaki reo Māori e tuku pūrongo (NWRM) ki te Tāhuhu o Te Mātauranga.

Kua whakahōungia a Te Waharoa Ararau ki te hāngai atu ki Te Marautanga o Aotearoa hei āwhina i ngā kaiako kia mōhio ai rātou ki te tupuranga mai o te ākonga.

Hei kōwhiringa tonu tēnei mō te tau 2018, ā, ki te hiahiatia, mā ngā kaiako e āta titiro ngā whakatau ki tā Ngā Whanaketanga Rumaki Māori.

Kua whakawhānuihia te tūāpapa ā-ipurangi hei whakamaru i te taumata tuarima o ngā wahanga ako o Te Marautanga o Aotearoa, kia whiwhi hua ai ko ngā kaiako o ngā ākonga o ngā tau 9 me te 10, waihoki, ko ngā kaiako o ngā ākonga o ngā tau 7 me te 8.

He kōrero anō:

Me he pātai anō āu, tēnā, tirohia te wahanga patapatai (FAQs) i te whārangi

Te Waharoa Ararau

Te Ahunga Whakamua – Te whakakore i Ngā Whanaketanga Rumaki Māori

HE KŌRERO MĀ NGĀ KURA ME NGĀ KAIAKO

E ngā mana, e ngā reo, e ngā mātāwaka o te motu, tēnei te mihi atu ki a koutou katoa.

Ka mahi tahi Te Tāhuhu o te Mātauranga ki te rāngai, ki ngā mātua, ki ngā whānau ki te whakakore i Ngā Whanaketanga Rumaki Māori. Tō mātou hiahia kia arotahi ki te whakahohoro i te ahunga whakamua o te tamariki i āna akoranga, tutukinga hoki, puta noa i te marautanga whānui, engari ka maumahara tonu he mea taketake tonu te reo matatini me te pāngarau. Me mātua ako te tamariki ki te kōrero, ki te pānui, ki te tuhituhi me ngā pūkenga pāngarau hei urutomo ki tētahi marautanga whānui, whai kiko hoki.

Mō te roanga ake o ngā kōrero tīkina ake te pānui i raro iho nei.

Te Ahunga Whakamua – Te whakakore i Ngā Whanaketanga Rumaki Māori (42.50 kB)

Mō te Waharoa Ararau?

Koinei ōna kōrero nui me ngā pātai ka auau te puta ake mō Te Waharoa Ararau.

TWA key messages and FAQs - May 2018 (733.80 kB)

Mō te pūrongo NAG2A

Ākuanei puta ai ngā kōrero mō tēnei kaupapa.

More information for this kaupapa will be released soon.

Whakapā mai

Ki te hia kōrero anō mō te Electronic Provisioning Application me te Education Sector Logon me whakapā atu ki te Pae Āwhina. Waea 0800 422 599 (whiringa 4), īmera rānei ki: service.desk@education.govt.nz.