He kōrero mō ngā whāinga paetae o Te Marautanga o Aotearoa
Marautanga
I kāhetitia Te Marautanga o Aotearoa (TMoA) i te tau 2008. Kua waihangatia, kei te waihangatia tonutia he rauemi hou hei tautoko i te taha whakaako, te taha ako me te taha aromatawai mō ngā whāinga paetae TMoA i te wāhanga taipakeke o ngā kura tuarua.
Rārangi wā
Mai i te tau 2014 ka wātea mai te taumata 6 o TMoA (ngā paerewa paetae kaupae 1) hei whakamahinga i ngā kura. Hei te tau 2015 ka uru mai ngā rauemi taumata 7 o TMoA (ngā paerewa paetae kaupae 2) hei whakatutuki i te NCEA kaupae 2, ā, hei te tau 2017 ka wātea ngā rauemi hou mō te taumata 8 o TMoA (ngā paerewa paetae kaupae 3) ka āhei ngā ākonga te whakamahi hei whiwhi i te NCEA kaupae 3.
Ngā wāhanga ako
Ka wātea mai ngā paerewa paetae, ngā rauemi aromatawai me ngā rauemi tautoko mō ēnei wāhanga ako:
- Hangarau
- Hauora
- Ngā Toi
- Pāngarau
- Pūtaiao
- Te Reo Rangatira
- Tikanga ā-Iwi.
Te whakaako, te ako me ngā rauemi aromatawai
Kua whakawhanakehia ngā paerewa paetae hou mō te Kaupae 1 me ngā rauemi aromatawai hei whakamahi anake mā ngā akomanga rumaki reo Māori.
Kei te whārangi NCEA.education.govt ngā paerewa paetae Kaupae 1 me ōna rauemi aromatawai mō ngā wāhanga ako katoa.
Ka pēhea e rapua ai ngā paerewa paetae e hāngai ana ki ngā whāinga paetae o TMoA
Kei te whārangi Subjects and resources :: NZQA ngā rauemi Aromatawai ā-waho mō ngā wāhanga ako katoa.
