Te anga

E whakaatu ana Te Marautanga o Aotearoa: He anga i te mātauranga, i ngā pūkenga, i ngā uara, i ngā waiaro hei ārahi i te ako a ngā ākonga i roto i ngā kura reo Māori. Me mātua uru te marautanga ki roto i ngā tūtohinga kura katoa hei whakatutuki i ngā mātāpono, i ngā whāinga paetae o tēnā wāhanga ako, o tēnā wāhanga ako. Heoi anō, mā ngā kura anō te mātauranga me ngā horopaki o ō rātou ake rohe e whakauru ki ngā horopaki ako. 

Ko Te Marautanga o Aotearoa he anga: 

• hei whakawhanake kaupapa here ā-motu, hei tautoko i ngā ratonga mātauranga mō ngā kura reo Māori
• hei tautohu i ngā mātāpono me ngā rautaki aromatawai
• hei tautohu i ngā arotakenga ā-kura me ngā putanga ako o ngā ākonga
• hei whakamōhio i ngā whare wānanga, ngā kura whakapakari kaiako hoki
• hei āwhina i ngā mātua kia mārama ai rātou ki te marautanga ako o te kura
• hei whakamana i ngā kaupapa ako o te kura.