He Whakamāramatanga mō Te Marautanga o Aotearoa
He aha tēnei rauemi?
He whakaahua ēnei e whakamārama i ngā hononga o ngā pukapuka o te National Curriculum, arā, ko The New Zealand Curriculum, me Te Marautanga o Aotearoa me tō rāua hono ki ngā pukapuka o te National Standards me Ngā Whanaketanga Rumaki Māori.
Ehara tēnei rauemi i te rauemi hou, engari, kua tīkina mai i te whakaaturanga o ngā kaiwhakahaere hui whakangungu mō Ngā Whanaketanga Rumaki Māori i te tau 2011. Kei ēna tāngata te roanga o ngā kōrero mō Ngā Whanaketanga Rumaki Māori.
Kua tipakohia atu ētahi wāhanga o tā rātou whakaaturanga hai āta whakamārama i ngā hononga o ngā pukapuka nei. Me te aha, he mea whakatinana i ngā kupu whakahau o ngā National Administration Guidelines, e mea ana, mēna te kura e whakamahia ana i Te Marautanga o Aotearoa hai pukapuka ārahi i ngā mahi akoako, me whakamahi hoki i te pukapuka Ngā Whanaketanga Rumaki Māori. Nā konei anō tēnei rauemi āwhina puta ai.
Mā wai te rauemi?
Kei te kaiwhakahaere te tikanga. He rauemi tēnei e whakamārama ana i te hononga o Te Marautanga o Aotearoa me Ngā Whanaketanga Rumaki Māori.
Ka pēhea te whakamahi?
Kei te kaiwhakahaere hui anō te tikanga o te whakamahi i tēnei rauemi. Ka hoatu, ka whakaatu rānei i te whakaaturanga nei ki te minenga, ki te tangata rānei, hai tauira, hai whakatinana i ngā whakaaro.
Ka tiki mai i hea?
E taea ana tēnei rauemi te tiki mai i a TMOA ā-Ipurangi.
Nā wai te rauemi?
Nā ngā kaimahi o te tari o Web Services mai i te Tāhūhū o te Mātauranga i hanga tuatahi mai. Nā te hunga whakahaere hui mō te whakangungu i Ngā Whanaketanga Rūmaki Māori i whakahouhia, kia hāngai ngā kōrero ki tā rātou kaupapa. Kātahi, ka tīkina e Maria Tibble, he kaitakawaenga ā-rohe mō Te Marautanga o Aotearoa, i ngā pikitia e toru nei hei ārahi, hei āwhina hoki i āna mahi.
Ētahi atu rauemi tautoko
Hai āwhina atu anō tirohia hoki ēnei whārangi ipurangi
