Te Arotake i te Marau ā-Kura
He aha tēnei rauemi?
He anga hei ārahi, hei āwhina i te mahi arotake marau ā-kura.
Mā wai te rauemi?
Mā te hunga e kimi huarahi ana hei arotake i tā rātou marau ā-kura. Inā te maha o ēnei momo anga. Heoi, ko te rerekē pea ki ētahi atu, he mea waihanga kia hāngai te titiro ki ngā whakaaro i roto Te Marautanga o Aotearoa.
Ka pēhea te whakamahi?
Kei te kaiwhakahaere te tikanga. He anga hei āwhina, hei tautoko i ngā mahi e mahia ana e koutou.
Ka tiki mai i hea?
E taea ana tēnei rauemi te kapo mai i a TMOA ā-Ipurangi. E āhei ana hoki tēnei rauemi te whakahou, te whakarerekē rānei i runga anō i tā te kaiwhakamahi titiro, hiahia rānei.
Nā wai te rauemi?
Nā te Tāhūhū o te Mātauranga te rauemi tūturu, kei te paetukutuku o te NZC Online te rauemi nei e noho ana. Kei raro rawa te toronga ipurangi nei. Nā tētahi atu i whakahouhia.
Heoi, nā ngā tāngata i tae ā-tinana atu ki te wānanga mō Te Marautanga o Aotearoa, i te hui o He Waka Eke Noa 2009, ngā tauira e toru nei i hanga. E āhua 14 rātou, he kaiako, he tumuaki, he kaimahi e mahi ana i roto i ngā kura Māori, whānau rūmaki, reo rua rānei. I noho ā-rōpu te hunga nei me te āta wetewete i te ‘School curriculum design and review’, me te wānanga anō me pēhea te whakarerekē, te whakahou rānei i te tauira nei kia hāngai tōna titiro ki Te Marautanga o Aotearoa. Ka mutu, ko ngā tauira e toru nei te hua.
Ētahi atu rauemi tautoko
Tirohia hoki ēnei whārangi ipurangi mō ētahi atu paku āwhina.
Koinei ngā tuhinga i tonoa e te Tāhūhū o Mātauranga ki ngā kura auraki katoa o te motu i te tau 2008. He rauemi e hāngai ana ki te New Zealand Curriculum.
