Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tāhia

Kāinga Rauemi Whānui Te Hono i te Āhua o ā Tātou Ākonga

Te Hono i te Āhua o ā Tātou Ākonga

 

He aha tēnei rauemi?

He anga tēnei. E ai ki te Marautanga o Aotearoa, mā ngā manako, ngā wawata nui o te whānau, hapū, iwi, hapori hoki e puta ai tēnei mea te Āhua o ā Tātou Ākonga. Ko te aronga nui o te rauemi nei, he whakaatu i te tirohanga whānui o te Āhua o ā Tātou Ākonga ka tahi. Ka rua, he mea whakaatu i ngā hononga o te Āhua o ā Tātou Ākonga ki ngā horopaki i roto i te taiao ako. 

 

Mā wai te rauemi?

Mā te tangata e ārahi ana i ngā mahi o Te Marautanga o Aotearoa.  He tauira e āwhina ana ki te whakamārama i ngā hononga.  Hei tauira, i whakamahia e te kaituhi ki te taha o te hunga tumuaki, kaiako matua, kaiako me ētahi o te hunga whakarato ngāiotanga. I te mutunga, i te nuinga o te wā, he mārakerake te kite atu i ngā hononga. 

 

Ka pēhea te whakamahi?

Ka hoatu, ka whakaatu rānei ki te minenga, ki te tangata rānei, hei tauira, hei whakatinana i ngā whakaaro.

 

Ka tiki mai i hea?

E whakaae ana te kaituhi kia tango i te rauemi mai i te pae tukutuku o TMOA ā-Ipurangi me te whakahou ake, te whakarerekē ake kia hāngai ki āu hiahia.

 

Nā wai te rauemi?

Ko Maria Tibble te kaituhi. He kaiako reo rua, he Kairaranga Māori (arā, he RTLB, Resource Teacher Learning Behaviour) i ngā tau o mua.  I mahi tahi me ngā kaiako, tumuaki, whānau hoki o te taha auraki.  I ēnei rā, e mahi ana ia mō CORE Education Ltd hai kaitātaki mō Te Marautanga o Aotearoa.  Koinei tētahi o ngā rauemi i hangaia e ia hai āwhina ki te whakamārama i Te Marautanga o Aotearoa.

 

 

Ētahi atu rauemi tautoko

He Whakamāramatanga mō TMoA


Footer: