Te reo o te ākonga

Nō hea te reo ā-waha o te ākonga?

Ka whāngaia te reo ā-waha o te ākonga mai i ngā horopaki maha o tōna ao.

Mehemea ka rongo te ākonga i te reo i ngā horopaki maha o tōna anō ao, ka whānui tana puna kupu, ka mōhio anō ia ki te whakatakoto i ōna whakaaro me ōna anō hiahia ki te reo Māori. 

Otirā, he reo whakarauora te reo Māori, arā, kei tōna 4.1% noa iho te tokomaha o ngā tāngata e mōhio ana ki te kōrero Māori i Aotearoa (Tatauranga Aotearoa 2006). Waihoki, he ruarua noa iho ngā horopaki e rongo ai te nuinga o ngā ākonga i te reo Māori. 

He pānga nui ō ēnei āhuatanga ki te reo ā-waha o te ākonga. Hei tā ngā tohunga whakaako reo (Edmonds mā 2013, May rāua ko Hill 2008) me aro nui ngā kaiako ki ngā rautaki whakaako reo tuarua hei tautoko i ā rātou mahi whakaako reo ā-waha i roto i ngā akomanga rumaki.