Te Hōtaka
I ōna wā anō o te tau 2010 ka hui Te Tāhuhu o Te Mātauranga ki ngā pouako, ngā tumuaki, ngā mema o ngā poari whakahaere, ngā kāhui o te rāngai mātauranga, ngā iwi, ngā mātua, me ngā whānau huri i te motu. Ko te kaupapa o ēnei hui, he whiriwhiri tahi, he kohi pārongo anō mō te tauira hukihuki o Ngā Whanaketanga Rumaki Māori mō te reo me te pāngarau.
Te hōtaka me ngā mahi i whakaritea
E whakaatu ana te tūtohi nei i ngā mahi i tutuki i te tau 2010, ā, he aha ngā mahi kua whakaritea mō te tau 2011.
| Te Marama | Te Mahi |
| Poutūterangi 2010 | I tukuna e Te Tāhuhu te tauira hukihuki o Ngā Whanaketanga Rumaki Māori ki te katoa o ngā kura me ngā akomanga rumaki. |
| Poutūterangi-Haratua 2010 | I whiriwhiri tahi Te Tāhuhu ki ngā pouako, ngā tumuaki, ngā poari whakahaere, ngā kāhui o te rāngai mātauranga, ngā iwi, ngā mātua, me ngā whānau huri katoa i Aotearoa. I whiriwhiri tahi anō ki ngā mātua, me ngā whānau mō te whāinga kia mārama, kia māmā te reo o ngā pūrongo ā, he maha ngā tauira i whakatakotoria.
|
| Poutūterangi-Hakihea 2010 | I mahi tahi Te Tāhuhu ki ētahi kura me ētahi akomanga rumaki ki te āta wānanga i Ngā Whanaketanga Rumaki Māori, ki te whakaemi kōrero anō e hāngai ana. Ko te arotahinga mai i Poutūterangi ki Pipiri, ko te kohikohi kōrero e whakatikahia ai Ngā Whanaketanga Rumaki Māori i runga i te mārama. E rua ngā kaupapa i āta tirohia mai i Hōngongoi ki Hakihea, arā, ko:
|
| Hakihea 2010 | Ka whakaotia, ka whakaputaina Ngā Whanaketanga Rumaki Māori.
|
| Huitanguru 2011 | Ka hāpainga ake e ngā kura me ngā akomanga rumaki katoa Ngā Whanaketanga Rumaki Māori ā, ka tāpaea ngā pūrongo māmā nei te reo ki ngā mātua me ngā whānau mō te tipu haere o ngā tamariki.
|
